A Nigerian Catholic priest, Anthony Odiong wey dey serve for Diocese of Uyo, Akwa Ibom State, don get serious wahala for United States.E don been convicted by Texas jury for sexual assault after e abuse women wey dey look am for spiritual guidance.Jury wey get eight women and four men find am guilty on two-count charge.For first-degree charge, e fit carry life imprisonment, while second-degree fit carry up to 20 years jail.

The wahala start for 2024 after multiple women report say Odiong dey use him spiritual position exploit them, dey force them into sexual activity, and even dey control their money.Court hear say one woman, Mary Doe, enter sexual relationship with Odiong during her divorce wahala wey leave her with seven pikin.One of the pikin waka enter room catch dem during sex.DNA evidence show say Odiong even father pikin with another woman wey him dey guide spiritually.This case draw attention because e show how some people fit misuse religious authority to exploit vulnerable individuals wey dey find support.