Plenty Nigerians dey wake up sometime, unable to move, talk or shout for help, and dem dey always dey fear say na spiritual attack.Dem fit talk say 'something dey press me' or 'witch hold me down'.

But health experts don clear am say this thing, wey dem dey call sleep paralysis, get proper medical explanation wey concern the brain and sleep cycle.

Joshua Nnatus, senior manager for Lagos MiND, talk say sleep paralysis na temporary condition wey fit happen when body dey wake but muscles never wake yet.E happen mostly when person dey wake up from REM sleep, the stage wey brain dey dream vividly.

Normally, body muscles go relax make person no act their dreams, but sometimes the switch no reset sharp sharp, so person go dey awake but body still dey frozen.People fit still dey breathe and move eye, but e dey feel like dem dey trapped.Stress, bad sleep routine, sleep deprivation, and lifestyle factors like late-night study, shift work, caffeine, or alcohol fit trigger am.Cultural beliefs dey interpret am as witchcraft or spirit attack, like ogun oru for south-west Nigeria.

To manage am, experts recommend proper sleep routine, reduce stress, avoid caffeine and alcohol before sleep, reduce screen time, and sleep on side if possible.E no dey physically dangerous, but if e dey frequent, person fit need medical attention, especially if e dey come with narcolepsy symptoms.Lagos MiND get support line for people wey dey experience frequent episodes.