President Bola Tinubu don yan say removing fuel subsidy na one tough decision wey dem do to save Nigeria from wahala wey fit make the country go bankrupt.

During one meeting with state governors for the celebration of Eid-el-Kabir and the third anniversary of him administration, Tinubu admit say the move cause hardship for many Nigerians, but e necessary for economy recovery.

Tinubu yan say economy don dey recover, agriculture dey grow, infrastructure projects dey ongoing and government dey see positive results from reforms wey dem introduce for the past three years.E appreciate governors wey support federal policies and encourage their people to dey patient through the three years of painful reforms.

E also talk say state borrowing don reduce as governors dey manage their resources better, and e yan say key economic indicators dey show say economy dey improve.

Tinubu express hope for agriculture sector, housing, and infrastructure wey fit bring food security and job creation if land and resources dey well utilized.E reassure Nigerians say government go continue with policies wey go reduce hardship, boost employment, and make economy benefit more citizens.