The Nigeria Democratic Congress (NDC) don yan say dem go hold all levels primaries today across di country for Presidential, National Assembly, Governorship, and State Assembly positions as per dia original timetable.Dem talk say only di aspirants wey go succeed for di primaries for 2027 elections go need pay their nomination fees.

Di party clarify say di Eid-el-Kabir holidays don cause wahala for transport and logistics, with limited flights making am hard for some aspirants and screening committee members to reach Abuja.

Dem explain say May 28 go dey reserved for arrivals, documentation with electoral and security bodies, consultations, and other preparations ahead of di primaries wey dey scheduled for May 29.

Di primaries go follow sequence: Presidential affirmation, National Assembly primaries/affirmation, State Assembly primaries/affirmation, then Governorship primaries/affirmation.

Party yan say no state executive or committee get power to announce results alone; na di National Working Committee go dey handle official announcement.Henry Seriake Dickson, di party national leader, also confirm say only successful aspirants go pay nomination fees and complete documentation.

Party also warn say dem no go tolerate violence, intimidation, or disorderly conduct during di exercise, and disciplinary action go follow anybody wey misbehave.State House of Assembly primaries go dey direct at constituency level, while other positions go dey at designated local government headquarters.